Opið hús í KOMPUNNI

Opið hús í KOMPUNNI okt-nóv-des 2011

Leiðbeinendur kynna og sýna margskonar handverk

5. okt Naglalist.is Þá kemur naglalist í heimsókn og sýnir okkur hvernig við stimplum á neglur með naglalakki. Ókeypis ásetning og sýnikennsla í boði fyrir þá sem mæta. 8 skvísur mættu, takk fyrir komuna allar;)

13. okt 2 hlutir á 1 prjón Þetta kvöld ætlar Hilma Eiðsdóttir Bakken að leiðbeina okkur hvernig við prjónum 2 hluti í einu á 1 prjón. Upplagt fyrir ermar,sokka og fleira í þeim dúr. Nemendur mæti með 80 cm prjón (betra að hafa hann 100 cm) og garn til að vinna úr. 7 hressar stelpur mættu á öllum aldri, gaman að því takk fyrir komuna. Vonandi nýtist þetta ykkur  vel í framtíðinni.

20.okt Prufukvöld Hilma Eiðsdóttir Bakken ætlar að sýna okkur ýmiskonar munsturprjón það kvöld. Nemendur mæti með prjóna og garn til að vinna með. Það voru 5 kátar konur (fyrir utan  okkur Hilmu) sem komu hér við og purfuðu! Takk fyir samveruna, þetta var rólegt og notalegt.

27. okt Vatnsdæla á refli Þá kemur til okkar Jóhanna Erla Pálmadóttir Framkvæmdastjóri Textilseturs Íslands á Blönduósi og kynnir fyrir okkur verkefnið Vatnsdæla á refli. Athugið að kynningin verður í Tjarnarbæ, félagsheimili Léttfetafélaga við Reiðhöllina á Sauðárkróki. Við verðum með opið hús frá kl. 19-22 og ég hvet ykkur til að taka prjónana með, heitt á könnunni, spjall og kósíheit. Verið velkomin. Í þetta sinn komu 12 konur og kynntu sér Refilinn og starfsemi Textilsetursins í vetur. Takk fyrir komuna. Ég hvet alla sem áhuga hafa að leggja þessu stórhuga og söguleg verkefni lið að hafa samband við Jóhönnu. Það er einfalt að senda skilaboð á textilsetur@simnet.is eða hringja í 452 4290.

3. nóv Spinnum við ullina Það er mér sönn ánægja að kynna til sögunnar einstaka handverkskonu. Hún heitir Guðríður Bjargey Helgadóttir og er móðursystir mín. Hún Guja eins og við köllum hana kemur í heimsókn í Kompuna þetta kvöld og sýnir okkur galdurinn við "rokkinn". Hér gefst fólki einstakt tækifæri að sjá og fylgjast með. Verið öll hjartanlega velkomin. Frestað um óákveðinn tíma.

10. nóv Kertakvöld Þá ætlar Ásta Gýmisdóttir að sýnir okkur hvernig við búum til okkar eigin kerti úr vaxafgöngum td. Frábært núna fyrir jólin. Alltaf gaman að geta skreytt með eigin framleiðslu sem er líka svo ódýr. Hlökkum til að sjá ykkur;) Frestað um óákveðinn tíma.

17. nóv Ullin lituð Þetta kvöld ætlar Ásta Búadóttir að koma í heimsókn og sýna okkur hvernig við förum að því að lita ullina. Tær snilld og verður mjög spennandi að sjá. Allir velkomnir. Frestað um óákveðinn tíma.

24. nóv Rennilás settur í peysu Loksins, loksins hér gefst tækifærið! Við fáum leiðbeinanda til að sýna og aðstoða okkur hvernig þetta er gert, hvað þarf að varast osfrv. Þátttakendur mæti með peysu til að setja lás í! hafið samband ef lásinn vantar, saumavél verður á staðnum. Verið velkomin. Frestað um óákveðin tíma.

1.des Kortagerð Þetta kvöld ætla ég að sýna ykkur hvernig við getum búið til fljótleg og falleg jólakort sem við vinnum með stimplum, stimpilpúða, notum glimmerduft, og jafnvel vatnsliti, hitabyssu, límmiða og fl. Mjög skemmtilegt og upplagt fyrir alla í fjölskyldunni.

Öll þessi "örnámskeið" ef svo má kalla eru í rauninni ókeypis en ég vil benda þátttakendum á að borga í ,,kaffisjóðinn,, (frjáls framlög) og þá rennur sú upphæð til þess leiðbeinanda sem heimsótti okkur. Munið svo að taka alltaf með ykkur prjónana eða annað það sem þið vinnið í höndunum ef þið viljið setjast niður. Alltaf gaman að fá að sjá......

Allar nánari uppl. eru góðfúslega veittar í Kompunni sem er opin virka daga frá kl. 13-18 og á laugardögum frá kl. 11-13. Einnig er velkomið að hringja í síma 453 5499. Ég hlakka til að sjá ykkur öll og verið hjartanlega velkomin:)